【Emily】初選落敗 新丁老將紛謝票
[2020.07.15] 發表
【明報專訊】民主派初選喺前日公布咗電子點票嘅初步結果，約2萬紙張票雖然未處理晒，但部分參選人估計未能取得足夠票數，都紛紛開始喺facebook度感謝大家支持，好似公民黨李予信、新民主同盟譚凱邦都話之後會繼續努力。
衛生服務界嘅初選雖然最後只作參考，但只取得186票嘅現任立法會議員李國麟喺facebook出文，話尊重結果，毋忘參加初選嘅初心同承諾。
出選新界西初選嘅譚凱邦，以4731票排包尾，阿邦噚日專程喺荃灣謝票，亦呼籲投畀佢嘅人，將手上一票投畀其他6個參選人。
李予信稱會與對手繼續合作
代表公民黨參加「超級區議會」嘅李予信都話，可以同另外4個對手一齊公平競爭係榮幸，相信會繼續合作，互相守望，自己亦都會繼續喺社區深耕細作。
喺新界東初選排第10嘅阿布泰國生活百貨創辦人林景楠亦都話，未來會做好作為爸爸嘅責任，為兩個女「自悠」同「良梔」(梔，粵音讀知)努力。
更多港聞
【Emily】批發零售 金融服務 張秀賢林浩波選功能組
【明報專訊】民主派初選結束，除地區直選外，噚日（14日）亦有多人挑戰傳統功能界別。元朗區議員張秀賢宣布「積極考慮」參選批發及零售界，南區區議... 詳情
相關新聞
