【Emily】重返南區 區諾軒街站寫揮春好生意
[2021.02.01] 發表
【明報專訊】疫情肆虐，農曆新年氣氛都淡咗唔少，亦因限聚令，議員擺街站都少咗，但亦有區議員繼續開檔，幫街坊寫揮春。無做議員好耐嘅區諾軒都好有心，近日重返服務多年嘅南區幫手，唔少街坊見到佢都好開心，要佢寫揮春。
林浩波話「見字飲水」受歡迎
區諾軒日前都喺fb預告，會一連三日喺南區擺街站，佢仲伙拍區議員林浩波、陳欣兒等行孖咇，分別去兩區寫揮春。林浩波話，除咗手寫，佢哋亦準備好印刷版揮春派，話「見字飲水」揮春十分之受歡迎。區諾軒就忙住幫人寫「出入平安」等字句。
建制派亦有人開站，民建聯立法會議員陳克勤近日亦落區派「賀年三寶」，即係揮春、口罩同利巿封，但就無設街站寫揮春。該黨區議員顏汶羽就繼續派物資，幫「全港抗疫連線」派口罩，提醒大家勤洗手、戴口罩！
更多港聞
【Emily】建制派邀醫護拍片 陳肇始和你拜年
【明報專訊】農曆新年將至，但疫情仲未平息，由建制派組成嘅「全港社區抗疫連線」噚日搞宣傳活動，邀請知名醫護人士拍短片，送上節日祝福，又喺全港各... 詳情
【明報專訊】教育局就學校處理師生輕生、意外傷亡設危機處理指引。教育局昨於「局中人語」專欄指出，鼓勵學校未雨綢繆在校園發生危機事件前，就不同情...
詳情
相關新聞
