【Emily】Lester：收信係重要精神支柱
[2021.03.22] 發表
【明報專訊】47名民主派人士因組織、參與初選被控違反《港區國安法》，當中36人要還押，雖然身陷囹圄，好多人心繫地區工作。荃灣區議員岑敖暉(Lester)facebook刊登獄中書簡，話估計3至5年見唔到大家，相信區內短期都唔會有新嘅區議員，「自己社區自己救」精神更顯重要，寄語市民唔好睇小自己嘅力量，「無咗區議員完全沒甚大不了」。
雞體函囑港人勿睇小自己
曾形容自己寫揮春係「小學雞字體」嘅Lester，今次用原子筆寫信，笑言「相信呢個世界上最睇得慣雞體的就是諸位」。至於獄中生活，佢話自己快速適應，赤柱監獄膳食冇傳聞中咁令人聞風喪膽，每日生活規律，10點瞓覺、6點半起身，日日運動同食大量菜，平時就係讀書、讀報、讀信及寫信，形容收信係好重要嘅精神支柱。
工盟為Carol召喚繪畫師
另外，職工盟噚日都出post，話好多人都想寫信畀前主席吳敏兒(Carol)，但拎起支筆又唔知寫咩好，諗起Carol好鍾意藝術，不如搞個「復活節繪畫比賽」，大家以復活節為題畫畫寄畀Carol，等佢喺獄中鑑賞並揀出三甲，話相信對佢而言都係好開心嘅娛樂。職工盟仲叫大家寄畫時要寫埋「Carol教練，我真係好鍾意畫畫啊！」
更多港聞
【Emily】旅發局宣傳 向台媒寄菠蘿油味心意卡
【明報專訊】新冠病毒疫情令全球旅遊業陷入冰封狀態，但旅發局繼續做唔少宣傳，希望疫情一完旅客再嚟香港玩。旅發局話，近排向台灣傳媒同旅遊業人士送... 詳情
【明報專訊】自2月下旬新年假期後，學校教員如每14天接受檢測，可向教育局申請全校恢復半天課。申請數字逐步增長，局方最新回覆再多300多間，共...
詳情
【明報專訊】學校如想申請全校復課，須安排教職員定期檢測。有津貼中學校長反映，教師難抽空到檢測中心，教育局亦拒絕向全校職員提供樣本瓶，學校已預...
詳情
相關新聞
