【Emily】孫仔寫信畀何俊仁：知你好熱 要加油！
[2021.05.24] 發表
【明報專訊】近日天氣熱，監獄尤甚，一眾在囚者嘅情况就更令人關注。民主黨前主席何俊仁因前年「10．1遊行案」認罪而還押候判，屯門區議員朱順雅去探佢，形容仁哥講幾分鐘就開始額頭冒汗，甚至汗流披面；不過安排到比較通風嘅囚室，瞓得較好。另外，仁哥嘅孫仔「大B」特意寫信(圖)畀佢話好掛住公公，希望快啲見到公公，又話知道仁哥現時生活好悶、好熱，叫佢要加油，「我們會好好照顧婆婆，不用擔心」。
鄒家成：日冲兩次涼其實好幸福
因民主派立選初選案還押嘅鄒家成，其fb小編探佢時，就引述佢指倉內得一把風扇，每日只能冲一次涼，令佢慨嘆「一日可以冲兩次涼其實真係好幸福」。
立法會前議員邵家臻日前發起「十萬。火急。行動」，喺33小時內收集到10萬人網上簽名，盼懲教署以人道理由，採用各種紓緩酷熱問題嘅方法。阿臻話，將會聯同前議員張超雄、關注囚權團體去信懲教署長要求會面，佢質疑署方一直「冷處理」問題，「究竟(家屬向在囚者提供)退熱貼如何影響監房秩序？飲凍水如何增加行政負擔？多冲一次涼如何消耗資源？」Emily曾向懲教署查詢署長會否應約，署方回覆話「沒有補充」。
更多港聞
【明報專訊】勞工及福利局長羅致光嘅言論一向惹火，佢噚日發表網誌話，約一個星期前，出席社聯、社署合辦嘅福利議題及優次會議，指有啲評論令自己感到...
詳情
【明報專訊】終身學習先可以持續進步，2021至22年度資歷架構「學習體驗獎勵計劃」現正接受申請，資助服裝業、珠寶業、餐飲業等23個行業嘅從業...
詳情
重建瓦礫化藝術 追憶舊觀塘 浸大廢物再造展 創意解決垃圾問題
【明報專訊】觀塘舊區正在重建，一幢幢高樓拔地而起，社區網絡及回憶卻連同舊樓一併消失。有在觀塘成長的藝術家過去數年收集該區舊樓碎片，製成藝術品... 詳情相關新聞
