【Emily】還押李嘉達樂隊拍MV 監獄外取景
[2021.06.02] 發表
【明報專訊】觀塘前區議員李嘉達正因民主派初選案還押，以往唔多人知道佢有夾band、唱歌好聽，李嘉達facebook專頁噚日就出咗首歌《出走半生》，係由佢做主音嘅樂隊Forward創作，李嘉達負責填詞、主唱。歌曲簡介提到首歌喺2月開始製作，但因為李嘉達短暫離開而暫停；並提到李嘉達把聲仲係demo版本，「人總是以為會有再做好一點的機會」，佢哋希望將呢首歌「送給每位仍在掙扎中的香港人」。
《出走半生》嘅MV喺立法會、理大等地方，以及李嘉達身處嘅赤柱監獄外一帶取景，MV擺咗個咪係樂隊中間，主音位置留空。歌曲簡介提到，佢哋帶住歌曲同Forward嘅旗幟「去到最近他的山邊，希望他和與他一樣失去自由的人，能在那日片刻自由的時間，聽到《出走半生》這首歌」。
指訟費負擔重 尹兆堅考慮唔訂私飯
同樣因民主派初選案入獄嘅民主黨尹兆堅，其fb專頁更新，話現時訟費係佢最重負擔，唔希望成為家人壓力，正考慮要唔要取消訂購「私飯」，因為一個月價錢高達七八千元，佢希望「慳得一蚊得一蚊」。
陳皓桓：讀甘地文章感受深
另外，因前年10．1遊行案入獄嘅民陣召集人陳皓桓(Figo)話好忙，每日就係睇書、等探監、做運動、寫信等等，形容好充實，而近日天氣太熱，令佢開始出熱痱，加埋唔同品種嘅「小強」，令佢幾日都瞓唔到。Figo提到，最近睇到一篇有關甘地坐監嘅文章，話愈來愈多人因抗爭坐監，甘地覺得唔孤單；Figo都好有感受，因為遇到好多民主派朋友，大家見番都開心打招呼、精神唔錯。
更多港聞
【Emily】引1941年《解放日報》文章 鄒幸彤：共產黨曾提「結束一黨治國」
【明報專訊】支聯會五大綱領中嘅「結束一黨專政」近期成為敏感詞，內地學者指這口號涉違《港區國安法》，而特首林鄭月娥噚日被問及「一黨專政」時，就... 詳情
【Emily】前規劃署長重返政府 凌嘉勤任港深合作策略顧問
【明報專訊】近年港深合作成為重點議題，中央政府亦全力支持港深合作，建設大灣區國際科技創新中心。為咗融入國家發展大局，Emily得悉政策創新與... 詳情
【明報專訊】立法會早前三讀通過公職人員宣誓修例，喺宣誓安排前，大批區議員辭職，唔少人近日last day都紛紛發表服務街坊感言。原為深水埗區...
詳情
【Emily】皇都變舞台 「AO歌王」楊立門伙曾浩輝獻技
【明報專訊】新世界發展完成皇都戲院收購，喺重建前搞咗一系列歷史體驗活動，仲喺戲院商場搭建小舞台，邀請演藝界嘅人獻技，其中一場活動搵咗有「AO... 詳情
公社科首場培訓課 教師指內容似中史 主講：從不平等條約看香港問題
【明報專訊】國情內容佔多的公民與社會發展科，9月起逐步取代高中通識教育科，當局未公布新科課程指引，但昨日為教師首辦公社科培訓課程，內容有關3... 詳情相關新聞
