【Emily】無升政務司長失望否？ 聶德權：好多揣測報道
[2021.07.02] 發表
【明報專訊】李家超上周就任政務司長，噚日以署理特首身分出席慶回歸酒會。過去公務員事務局長聶德權(圖)不時被指係政務司長人選，噚日佢被問到作為特首林鄭月娥嘅「愛將」，𠵱家做唔到司長會唔會失望，聶德權回應話，「香港有好多揣測性嘅報道，我唔會受呢啲報道影響，最重要嘅係喺各自嘅崗位上做好自己嘅工作」。
唔答李家超勝任否 不覺港成警察城市
至於李家超有冇能力勝任司長？聶德權話「大家唔需要討論呢啲問題」，重申要各自做好工作。佢又話，唔認為香港變成一個「警察城市」，「我覺得言重喇，睇吓我哋𠵱家香港特區3司13局裏面政治委任嘅團隊，同埋18萬公務員，我哋有文職、有紀律部隊，基本上大家有唔同出身、背景、經驗」。佢話大家應聚焦未來發展，包括即將舉行嘅3場選舉、盡快通關、恢復經濟活動等。
更多港聞
教大助幼園STEM融入課程 介紹景點時 增教樂園設施滑輪系統
【明報專訊】學界近年推動STEM教育，教育大學亦為幼稚園度身訂做STEM課程。教大派專家到參與計劃的幼稚園，協助校方將STEM元素融入原本課... 詳情
相關新聞
