【Emily】消費券增購買慾 環團憂加劇浪費月餅

[2021.08.20] 發表

【明報專訊】仲有一個月就中秋節，環保團體「食德好」話疫情好轉，加上政府派5000元消費劵，調查顯示市民購買月餅過節自用或送禮嘅意欲較去年提升，擔心加劇節日剩食問題。食德好呼籲市民送禮要「先問後送」，或者改以月餅之外嘅低碳方式表達心意。

食德好7至8月做網上問卷訪問422個家庭，顯示市民購買月餅意欲較去年大升，自用方面，由去年每家0.99盒增至今年預計每家1.17盒，上升18%；送禮方面則由上年每家0.72盒增至今年預計每家0.98盒，上升36%。

籲送禮前先問對方意願口味

喺消費劵刺激下，約22%受訪者話今年會或考慮增加買月餅嘅預算。食德好項目主任(回收及社區教育)黃煒霖話每年最後食剩、浪費月餅嘅數字往往同整體消費成正比，所以推測今年月餅浪費嘅數字好可能急升。

有六成受訪者話唔會喺送月餅前詢問收禮者嘅意願同口味，黃煒霖鼓勵市民送月餅前先問問對方，為減少浪費行出一大步。

更多港聞

【明報專訊】立法會法律界前議員郭榮鏗早前移民加拿大，繼上月獲美國哈佛大學甘迺迪學院列為亞洲學人後，佢再加入美國佐治城大學沃爾什外事學院亞洲研... 詳情

【明報專訊】香港研究協會噚日公布調查，結果顯示立法會內擁有議席嘅政團中，自由黨支持度排第一位，得分為2.20（5分最高），民建聯、熱血公民就... 詳情