【Emily】罕見弧狀雲現藍塘海峽
[2021.08.27] 發表
【明報專訊】近排不時落雨，間中烏雲密布，其實雲都分好多種，反映緊唔同嘅天氣。天文台噚日喺facebook上載咗一張相，係市民8月15日喺藍塘海峽拍攝到嘅「弧狀雲」，睇落好似承托住暴風雨嘅棚架，原來當呢種雲大規模逼近，往往代表暴風雨就快殺到。
相片吸引咗唔少網民留言，有人話睇落好似龍捲風，亦有人話只係想見「觔斗雲」。根據天文台網頁，呢種灰白色嘅弧狀雲(Arcus Cloud)係一種罕見、積雨雲或濃積雲嘅附屬雲，呈水平卷軸或者棚架狀，通常喺結構成熟嘅積雨雲前沿嘅底部形成，當佢哋大規模逼近，往往代表暴風雨即將來臨。如果市民有興趣，不妨上天文台網頁學吓點樣賞雲。
更多港聞
【Emily】邵家臻首探望 初選案吳政亨：有可能囚20年
【明報專訊】47名民主派初選案被告之中，有34人仍還押，包括吳政亨（Gordon，圖）。吳政亨被捕前唔係咁多人認識佢，立法會前議員邵家臻同張... 詳情
【明報專訊】高官音樂椅又郁動，土木工程拓展署長劉俊傑會喺10月8日晉升為發展局常任秘書長（工務），接替即將展開退休前休假嘅林世雄。另外，香港...
詳情
相關新聞
