【Emily】新民黨搞辯論 英文傾「共同富裕」
[2021.10.13] 發表
【明報專訊】民建聯日前舉辦施政辯論擂台，由該黨立法會議員、第二梯隊等就唔同政策辯論，原來其他政黨亦有類似安排，不過就係內部活動。新民黨facebook噚日出帖，話該黨本周一(11日)舉辦「新民好辯才英文版」，要求參加者用英文分組討論。
新民黨話，呢個係「新民好辯才」訓練班嘅第四堂，設定題目包括共同富裕、教育雙減、十四五規劃、國民身分認同等，指呢啲題目既深且廣，要透切掌握並不容易；仲要用英語交流、討論，就更具挑戰性。佢哋話為公平起見，參加者係即場抽籤決定出場次序及內容，如果無好好做功課，就難有好表現。
雖然活動傳媒無得睇，從相片所見，立法會議員容海恩、上年曾參選嘅李梓敬等都有參與，現場仲有攝錄機影住。新民黨形容，分組比併有唔少火花，未來佢哋都會繼續搞唔同培訓班，以提高年輕黨友嘅議政水平。
更多港聞
【明報專訊】學童人口正面對結構性下跌，資助小學校長會、津貼小學議會等近日多次向教育局建議，應趁機全港實施小班教學。教育局昨日在網上撰文，不點...
詳情
相關新聞
