【Emily】佐敦區限定 陳梓維做「買餸師」
[2022.03.10] 發表
【明報專訊】陳梓維(圖)上年7月辭任油尖旺區議員，之後話搵到新工。佢前日喺facebook宣布開公司，仲分享公司個fb專頁邀請大家讚好，間公司名叫「脫『毒』工程有限公司」，主業務係做配對服務，但暫時未正式開始。佢話近日會先做「半義工」幫街坊，就係做「買餸師」幫有需要嘅街坊買餸，不過要收錢嘅。
根據「脫『毒』工程有限公司」fb介紹，因應疫情嚴重，好多獨居長者或雙老都驚買餸時會染疫，又或者因為未打針而不能入街市、超市或商場，有見及此會成立全新行業，名叫「買餸師」。佢話為期兩星期，因應疫情決定是否延長。
每$40餸收$10服務費
至於收費，純買餸嘅話，若餸錢喺40元以內嘅就收10元服務費，餸錢喺80元內就收20元服務費，餘此類推，以上價錢只限佐敦區居民，獨居長者或雙老優先，名額每日10個，會睇吓有冇義工協助而調整名額。
至於係咪只得買餸服務？陳梓維自問自答話唔係，不過會因應服務調整收費，其他服務例如需要去超市購物、代拎嘢上樓，需要私訊佢額外報價。
更多港聞
【Emily】醫學會會長蔡堅中招 留家續助抗疫
【明報專訊】香港醫學會會長蔡堅（圖）證實感染新冠病毒，佢同Emily講，身體有啲不適，正在家隔離治療，至於詳細身體情况，佢就話需要休息，暫未... 詳情
【明報專訊】因應第五波疫情，室內外運動場地都要暫時關閉，而髮型屋今日可以重開。新民黨主席、行會成員葉劉淑儀前日喺Twitter發文，表示歡迎...
詳情
【明報專訊】台灣藝人徐熙媛（大S）因為電話號碼20年冇換，成為契機，同韓星舊愛具俊曄再續前緣，令網民大為驚嘆，具俊曄提到「20多年前那個號碼...
詳情
相關新聞
