【Emily】馮煒光：曾幫CY影相 「資深AO」拒上傳
[2022.06.08] 發表
【明報專訊】前新聞統籌專員馮煒光前日喺網媒撰文，分享佢在任時嘅經歷。佢話，新聞統籌專員應善用影像為特首服務，為此佢向政府新聞處「借將」，但當年快將卸任嘅新聞處長以「特首經常有機密會議，不方便拍攝」為由推搪，之後仲有不快經歷。
批評兩時任新聞處長 話兩人現位居局長
馮煒光話，後來繼任嘅新聞處長耐唔住佢嘅糾纏，拎出一張「輕攜型相機」單張，話「你去買一個，然後你天天跟着梁特首(時任特首梁振英，CY)來拍」。馮話「當時心中極不快」，「明白這是AO(政務官)阻撓梁先生塑造良好形象的又一舉措」，又指兩名提及嘅新聞處長現時都位居局長。
佢又話，後來自費購買一部單反相機及報讀工聯會攝影課程，「為的是幫梁先生拍更好的照片」，但就被「資深AO」指示馮嘅下屬，「以個別照片質量不夠好，『玷污』特首網誌質素為名，拒絕上傳」。馮煒光話希望候任特首李家超「能知道實况」，為何自己舊年競選立法會議員時「一直力主改革AO制度」。
翻查資料，梁振英任內有3名新聞處長，其中兩人係現任發展局長黃偉綸同公務員事務局長聶德權。Emily向兩名局長嘅新聞秘書查詢，對馮煒光批評有咩睇法，截稿前未有回覆。
更多港聞
【Emily】山市街扶手梯 基底加「防護貼」提醒途人
【明報專訊】中西區區議員彭家浩留意到山市街扶手電梯一帶斜路，喺雨天期間不時有途人因為滑倒而受傷，而山市街扶手電梯上蓋嘅支柱基底仲係四邊形尖角... 詳情
【明報專訊】教育局在2019至2021年接到502宗教師涉嫌失德個案，過去4年取消27人的教師註冊。立法會教育事務委員會昨日討論教師操守議題...
詳情
【明報專訊】教育局宣布，2022年度資歷架構「學習體驗獎勵計劃」昨起至8月15日接受申請，供23個推行資歷架構行業包括汽車、安老服務、美髮等...
詳情
相關新聞
