【Emily】房屋局長發帖介紹副局、政助 何永賢讚前記者歐陽文倩「清新」
[2022.08.01] 發表
【明報專訊】新一屆政府問責官員中有新有舊，新任房屋局長何永賢噚日喺facebook發帖，介紹副局長戴尚誠同政治助理歐陽文倩。何永賢同戴尚誠相識30年，曾任職《文匯報》嘅歐陽文倩就係初次拍檔。
何永賢話，自己同之前做建築署工程策劃總監嘅戴尚誠好有默契，又大讚戴獲邀加入「非常熱廚房」後幾乎係一口答應，令局長好感動，感謝戴以「無悔無畏」嘅精神盡全力同佢一齊並肩，走上未來5年充滿挑戰嘅路。
現年33歲嘅歐陽文倩，以往做教育同政治新聞為主，何永賢就形容對方「清新」、「很有可塑性」，相信歐陽文倩嘅傳媒背景可以幫佢學習用新媒體，尤其同年輕人溝通。
不過，有網民喺局長facebook專頁留言，話過去幾任政府喺公屋輪候問題「講就天下無敵，做就有心無力」，慨嘆無期望就無失望。
更多港聞
【明報專訊】香港明德會噚日舉辦首屆「十大傑出大學生選舉」開幕典禮，香港明德會會長李尚仁話「我哋（選舉）同其他唔同，唔會淨係臨尾present...
詳情
相關新聞
