【Emily】調查：55%僱主諗住來季多請人
[2022.09.15] 發表
【明報專訊】人力資源機構ManpowerGroup(萬寶盛華大中華有限公司)噚日公布2022年第四季「就業展望調查」報告，結果顯示香港僱主預期嚟緊一季增加員工人數意欲積極。經季節性調整嘅數據顯示，來季淨就業展望指數達36%，按年升31個百分點。受訪嘅520名僱主中，55%預算未來3個月增加人手，話會縮減人手嘅有12%；未有計劃喺嚟緊一季調整員工數目嘅有33%。
建造業錄到最樂觀嘅就業展望指數61%，按年升55個百分點。萬寶盛華大中華高級副總裁徐玉珊話，未來政府同私人市場將會推展多個大型基建工程，業界積極推動各種科技建築技術，衍生咗更多唔同工種。未來3年每年需求額外約1萬個人才，尤其需要熟練及半熟練技工，加上行業已經人手短缺，相信會令僱主有招聘壓力。
另外，「資訊科技及通訊媒體業」及「銀行、金融、保險及房地產業」，亦分別錄得較樂觀嘅就業展望指數(57%及49%)。
更多港聞
【Emily】長者安居會幫政府聯絡 一周助83老友記約針
【明報專訊】新冠疫情下，政府出盡辦法「谷針」，年滿70歲長者第一針疫苗接種率升至約78%，但仍有約21.8萬名長者從未打針。政府今個月委託長... 詳情
【明報專訊】有菲律賓傳媒日前報道，菲律賓國家私隱委員會（National Privacy Commission）本周二提到，唔少詐騙電話短訊...
詳情
【Emily】港大研究：本地大壁虎現東南亞基因
【明報專訊】香港嘅寵物店和中藥材店都有賣大壁虎，但原來佢哋受到《2021年保護瀕危動植物物種條例令》保障。香港大學研究發現，本地大壁虎基因數... 詳情
【Emily】蘇樺偉、史立德等5人 獲頒教大榮譽院士
【明報專訊】香港教育大學向5人頒授榮譽院士銜，包括被稱為「神奇小子」嘅退役運動員蘇樺偉、中華廠商聯合會會長史立德、嗇色園黃大仙祠監院李耀輝道... 詳情
【Emily】柯仔散步曬恩愛 感激「屋企CEO」
【明報專訊】民建聯觀塘區議會主席柯創盛（柯仔，圖右）少有咁公開曬恩愛，佢喺社交媒體上載同太太合照，話自己日頭處理公務、落區，但無論幾忙，每晚... 詳情相關新聞
