【Emily】M+快一歲 將辦草間彌生展 同日起開始收費
[2022.09.16] 發表
【明報專訊】今年11月12日係西九M+博物館開幕一周年，M+噚日宣布到時會開始收入場費，成人門票120蚊，全日制學生、7至11歲兒童、滿60歲長者等半價。M+趁住開幕一周年，將舉行首個特別展覽《草間彌生：一九四五年至今》，展出日本藝術家草間彌生嘅逾200件作品，包括3組特別為展覽而創作嘅全新作品，今次亦係佢喺日本以外嘅亞洲地區最大型回顧展，而門票要貴少少，成人240蚊，特惠票150蚊，但可以睇埋其他展廳。
成人票價120 睇埋草間彌生240
今年11月12日至明年1月31日嘅入場門票將喺10月13日上晝10點起喺網上公開發售，更多詳情將喺10月初公布，而M+開始收費後，博物館B1層、設於地下大堂嘅《南瓜》(2022)同《香港：此地彼方》展覽將繼續免費開放。另外，今年12月起，M+亦會新設《Beeple：人類一號》展覽，展出由美國先驅藝術家邁克．溫克爾曼(Mike Winkelmann，又名Beeple)創作、將數碼元素同實體雕塑結合嘅作品。截至前日，M+累計已有超過153萬訪客入場。
更多港聞
【Emily】訪問「騙徒」 鄧炳強：監倉飯有得你食
【明報專訊】今屆政府嘅司局長都好勤力搞社交平台，保安局長鄧炳強喺facebook不定期發片，訪問唔同嘅人，月初佢訪問完同係警隊出身嘅保安局副... 詳情
【Emily】獻花悼英女王 羅家英刪帖拍片道歉
【明報專訊】英女王伊利沙伯二世駕崩，前全國人大代表、八和會館主席汪明荃嘅丈夫羅家英（圖），日前都有去英國駐港澳總領事館獻花悼念，結果惹來內地... 詳情
【Emily】新思維函特首問鏡騷事故 1823代覆
【明報專訊】新思維早排去信特首辦，跟進MIRROR紅館演唱會墜屏事故，要求交代調查進度同責任問題，結果噚日收到政府電話熱線「1823」代為回... 詳情
【Emily】房署打擊濫用公屋 一年收回1300伙
【明報專訊】公屋資源珍貴，房屋局長何永賢噚日發表網誌，提到近日去咗房屋署「善用公屋資源分組」（分組）辦事處，了解同事打擊濫用公屋嘅工作。佢話... 詳情
【明報專訊】團結香港基金噚日舉行理事會會議，決議由原任副主席嘅港區全國人大代表陳智思（Bernard）擔任常務副主席，負責主持理事會會議同基...
詳情
相關新聞
