【Emily】高官入場除罩睇七欖 林定國講波講法治
[2022.11.07] 發表
【明報專訊】闊別3年嘅香港國際七人欖球賽噚日結束，多名高官趁最後一日入場，仲除低口罩邊飲邊食邊睇波。保安局長鄧炳強同多名球迷合照，並喺右手繪上區旗圖案，又喺facebook大讚「七欖勁好睇 盛事返晒嚟」，話香港盛事陸續上演，問大家準備好未。
律政司長林定國同副司長張國鈞上晝去完電台節目，下晝齊齊入場，張國鈞喺fb形容「收工睇場波啤啤佢，男人的浪漫」，又不忘宣傳今日起一連5日嘅香港法律周。圖片所見，林定國同觀眾一齊玩人浪，但佢喺fb講講吓波講「法治」，話任何群體活動都「要有規有矩」、「遵守這些遊戲規則」，否則群體活動無法順利進行；而咁解釋咗點解社會需要有法律規範大家，「而尊重和遵守法律是令社會能順利及和平運作的大前提」。
房屋局長何永賢、副局長戴尚誠同政治助理歐陽文倩都有入場。民建聯議員鄭泳舜、周浩鼎等亦入場捧香港隊。
更多港聞
【Emily】偕狄志遠慈善跑 陸瀚民盼渣馬增名額
【明報專訊】香港海洋公園保育基金噚日舉行「生態保衛賽2022」慈善跑，一向有跑開長跑嘅經民聯立法會議員陸瀚民（Benson）同新思維狄志遠亦... 詳情
調查：10％校兩制教育獨立成科 蔡若蓮談國教措施 稱個別執行上需改善
【明報專訊】香港善德基金會昨日發布中小學、幼稚園推行「一國兩制」教育的調查，93%受訪者稱已將之融入相關學科，同時有10%將之獨立成科。另外... 詳情
25校試行「校園我有SAY」 有小學師生共議延長小息
【明報專訊】香港兒童權利委員會獲兒童事務委員會贊助舉辦「校園我有SAY」計劃，鼓勵學生參與校園事務，表達自己想法及建立理想校園，增加對學校的... 詳情
相關新聞
