【Emily】細路出IQ題唔識答 林定國「懷疑人生」
[2023.02.06] 發表
【明報專訊】律政司長林定國(圖最左)噚日喺官邸同約20名8至12歲嘅「HAC安徒生會」兒童會員玩遊戲、講故事、傾偈。佢喺facebook話，遇到好多小老師出IQ題考佢，10條有9條都答唔到，令佢懷疑人生，例如鯊魚食咗紅豆會變成紅豆沙；E和T離開咗英文字母行列，只會剩低21個英文字母，因為ET搭UFO走咗。佢覺得青少年轉數極快，思辯能力强，個個都好有做律師嘅潛能。
噚日除咗有林定國夫婦，仲有幾名後生檢控官化身義工，演出「魔術師大鬧學校記」互動廣播劇，劇情講述頑皮嘅魔術師施展魔法破壞學校秩序，最後憑住小朋友嘅堅持，以「魔法」成功將混亂變成祝福。佢話，同班小朋友玩咗成日，覺得心境後生咗，對之後喺社區廣泛推廣法治教育有新想法。圖中間粉紅色衫者為林定國太太袁淑明。
更多港聞
【明報專訊】本港今日起與內地全面通關，跨境生後天（8日）起分兩階段回港上課，停滯3年的內地交流亦將復常。教育局要求所有公帑資助學校的新入職教...
詳情
公民點對點：大數據預測90分鐘路况 分析實時天氣車速避塞車
【明報專訊】政府資訊科技總監辦公室（資科辦）聯同運輸署於2022年6月完成開發「交通數據分析系統」，透過分析天氣、行車速度等大數據，為駕駛者... 詳情
相關新聞
