【Emily】「東縱」潘叔百歲壽辰 工聯元老雲集
[2023.03.20] 發表
【明報專訊】工聯會噚日搞大型宴會，慶祝工聯會成立75周年，並為「東縱老戰士」潘江偉賀百歲壽辰。人稱「潘叔」嘅潘江偉輩分極高，呢場百歲生日會大家都賞面，工聯會出身嘅民政及青年事務局長麥美娟、中辦聯社工部副部長鍾廷海等人參加，眾人喺台上一齊為潘叔切蛋糕、唱生日歌。
大家慶生不忘唱好國家
1937年，中國抗日戰爭全面爆發，當年十幾歲嘅潘江偉輾轉從上海來到香港，從此與工會工作結下不解緣。1941年12月香港淪陷，潘赴廣東參加廣東人民抗日游擊隊(東江縱隊前身)，冒過槍林彈雨。二戰後潘江偉返港，參加香港印刷業工會重建工作。
工聯會會長吳秋北噚日話，有好多前輩將青春奉獻畀愛國工運事業，話噚日除咗潘叔，仲有多名元老出席，包括胡達叔、周坤叔、麥燦叔、梁權東叔、李雄枝叔等。吳秋北用毛筆寫下「壽而康」三個大字，作為生日禮物贈送畀潘叔。佢哋最後一齊唱《歌唱祖國》，慶生不忘唱好國家。
更多港聞
【明報專訊】現代人鄰舍關係一般比較疏離，鄰居貴姓都未必會知，香港青年協會話經歷3年新冠疫情，相信有更多人認同「遠親不如近鄰」嘅重要。青協噚日...
詳情
被處分教師減 21釘牌按年增兩倍 刑案通報研加強 警拘教師即通知教局
【明報專訊】教育局向立法會教育事務委員會交文件，交代就教師質素把關的工作進展。文件提及，2022年有21名教師被釘牌，局方解釋他們主要涉及「... 詳情
組「模擬大學」義教窮生 師訓生獲尤德獎：教育不止「份糧」
【明報專訊】尤德爵士紀念基金第36屆獎學金頒獎典禮於昨日舉行，獲2022/23年度獎學金的師訓學生石淦銘稱社會貧富懸殊，學生知識視野因貧窮受... 詳情
相關新聞
