【Emily】何永賢深圳睇組裝合成法起樓
[2023.04.08] 發表
【明報專訊】繼早前房委會展示「東涌第99區公營房屋項目」3個以組裝合成法(MiC)建造嘅模擬搭建單位後，房屋局長何永賢日前再聯同房屋署同建築署人員去深圳參觀，考察龍華樟坑徑保障性住房項目，睇吓當地以MiC起樓嘅工作同效率。
何永賢話呢個項目係內地第一個石屎MiC嘅高層建築，亦係建造速度最快嘅高層保障性住房項目。據佢分享，項目嘅屋頂機電房同地下室亦採用工廠預製「裝配式設計」模塊，透過減少現場施工程序，提升工程質素同大大縮短施工時間。
另外，佢亦去咗福田區考察甘泉路近零碳排放示範社區改造共建項目，了解深圳市應用綠色建築技術。佢提到呢個項目除設置太陽能板同埋智能泊車系統外，仲有一個以「海綿城市」概念設計嘅小公園，用現代化嘅方式管理雨水。
更多港聞
【Emily】日總領事嘗雞蛋仔 「要唔要食一粒？」
【明報專訊】唔少外國駐港領事嚟到香港都鍾意品嘗地道小食，日本駐港總領事岡田健一之前試食過蛋撻，仲試齊牛油皮同酥皮兩款，今次佢就食自己好鍾意嘅... 詳情
【Emily】澳門工展會試用吸塵機 丘應樺話包辦家務
【明報專訊】香港同澳門全面通關後，廠商會今年再次去澳門搞工展會，一連4日嘅活動噚日開幕，商務及經濟發展局長丘應樺都有「過大海」主禮，仲即場試... 詳情
相關新聞
