【Emily】明報「學校審藏書」報道 摘SOPA獨家新聞大獎 「沒支聯的六四系列」獲人權報道優異獎
[2023.06.16] 發表
【明報專訊】亞洲新聞界其中一個主要獎項、亞洲出版業協會(SOPA)卓越新聞獎噚晚公布結果，喺超過800份海外同本地參賽作品中，《明報》憑舊年嘅〈審藏書嘆準則未明 教師自訂紅線〉奪得「獨家新聞獎」組別大獎，又憑舊年嘅「沒有支聯會的六四系列」奪得「卓越人權報道獎(中文)」組別優異獎。
大會喺頒發「獨家新聞獎」大獎時讚揚《明報》喺國安法餘波中，將一個重要而敏感嘅議題帶畀公眾。中小學因國安法要求審核校內藏書，明報記者鄭律銘取得3間中學下架嘅書單，當中包括六四、文革甚至學術書籍，有教師承認自我審查。至於「沒有支聯會的六四系列」就報道支聯會前年解散後，前常委梁錦威、趙恩來，同埋「六四記憶．人權博物館」策展人長平對悼念嘅睇法，仲報道咗市民喺維園圍封下點樣悼念。
FCC前主席話亞洲記者多學識自我審查
SOPA卓越新聞獎疫後再辦實體晚宴，出席嘅外國記者會(FCC)前主席瑞凱德(Keith Richburg)就話，教新聞系學生首先要避免被捕，又話喺亞洲工作嘅記者多少學識自我審查，好似喺泰國報道唔可以批評泰王，寫到嘢嘅同時又唔會惹禍上身。佢呢番言論引起同行喺網上批評，有人話佢嘅講法唔代表大家。
更多港聞
【Emily】蝴蝶品種18年高 出沒變化見生態隱憂
【明報專訊】環保團體綠色力量公布最新「節氣觀蝶調查」，本港蝴蝶物種創18年新高！佢哋喺城門郊野公園同大埔滘自然護理區兩個蝴蝶熱點，錄得自調查... 詳情
【明報專訊】立法會不時有議員口快快講錯嘢，有時叫錯人名、讀錯成語，而噚日立法會續會上，梁美芬喺發言結尾時，將「主席，本人謹此陳辭」讀成「主人...
詳情
相關新聞
