【Emily】民主思路：「一國兩制指數」升 「國際評價」跌
[2023.08.15] 發表
【明報專訊】民主思路噚日(14日)公布「一國兩制」指數，綜合民調及國際評價，以10分最高，今年上半年有6.02分，比起去年下半年嘅5.92分高0.1分，升1.7%。
至於國際評價方面，最新估算評分下跌，由今年1月嘅6.87分跌至8月嘅6.82分；香港喺「公民權利」嘅分數亦下降。民主思路建議政府成立「一國兩制」辦公室，同西方媒體保持聯繫消除誤解。
民主思路委託中文大學香港亞太研究所喺6月中至7月中做電話調查，訪問咗1010名18歲或以上香港居民，結果發現喺「陸港關係」同「高度自治」方面嘅評分都有5%或以上升幅，分別有5.47分及5.06分，「人權自由」方面有5.11分，升3.4%。
「一兩次外訪難改對港輿論」
另外，有31.4%嘅人認為《港區國安法》帶來正面影響，升6.7個百分點；認為帶來負面影響嘅有38.3%，跌1.7個百分點。民主思路召集人湯家驊認為，民意上對一國兩制嘅信心有增加，但國際評價就下跌；佢覺得雖然特首李家超等官員近期四出外訪，但受西方媒體影響，外國對香港嘅輿論差唔多百分百負面，認為如果「透過一兩次外訪就可以有改變」係不切實際。
更多港聞
【Emily】拍片打氣 楊潤雄、議員邊做Gym邊撐亞運港將
【明報專訊】杭州亞運9月開幕，副律政司長張國鈞、文體旅局長楊潤雄及副局長劉震，聯同幾名立法會議員一齊拍攝短片，預先為港隊運動員打氣。其中楊潤... 詳情
【Emily】灣區青年管弦樂團 港首演再赴澳深穗
【明報專訊】由香港演藝學院籌辦、太古集團創始贊助嘅大灣區青年管弦樂團首演巡迴音樂會，已喺上周五（11日）於香港演藝學院上演，曲目包括貝多芬、... 詳情
【Emily】教上網+車接送 工聯特別服務助續回鄉證
【明報專訊】香港及內地全面恢復通關，換領回鄉證需求急升，為疏導辦證人流，國家移民管理局早前公布，將有效期限為2020年1月1日至今年12月3... 詳情相關新聞
