【Emily】將卸任中大院長 陳家亮做醫委
[2024.01.20] 發表
【明報專訊】今個月底任滿嘅中文大學醫學院院長陳家亮未卸任已有新去向，佢下禮拜三(24日)起將出任醫務委員會委員，接替即將退休嘅醫委會主席劉允怡，作為由中大提名兩席嘅其中一席。至於醫委會主席一職，按法例須由委員互選產生，Emily聽聞選舉將喺下月初舉行，到時先知道邊個接任主席。
政府噚日刊憲公布，陳家亮按《醫生註冊條例》第3(2)(da)條，由中大提名並獲行政長官委任為醫委會委員，任期3年。陳家亮前日出席傳媒茶敘時話，卸任後會繼續喺中大醫學院任教，希望致力打造成為醫療創科中心，但無透露有無洽談緊接受其他公職。
另外，政府刊憲委任大律師劉恩沛、香港世界宣明會總幹事馮丹媚做醫委會業外委員，又再度委任港大深圳醫院前院長鄧惠瓊等人。
更多港聞
相關新聞
