【Emily】浸大慶典搭帳幕 體驗哈薩克新年
[2024.03.20] 發表
【明報專訊】農曆新年過咗一排，今個星期五(22日)就係哈薩克斯坦嘅納吾熱孜節(Nauryz)，即係當地嘅新年。浸大校園噚日有慶祝活動，校長衞炳江著上哈薩克斯坦嘅傳統服飾，又同哈薩克斯坦駐港總領事Almas Seitakynov一齊喺傳統帳幕入面傾偈，校方希望師生「猶如置身數千公里外的哈薩克斯坦」。
浸大噚日舉辦「KAZ We Love It! 哈薩克斯坦新年慶典」，喺校園搞傳統音樂藝術表演，師生亦有得品嘗當地特色食品，同埋體驗當地嘅「彈羊骨遊戲」。校方希望師生喺生活、美食、藝術等方面，了解哈薩克斯坦嘅節日同文化。
浸大現有超過50個來自哈薩克斯坦嘅學士及碩士交換生。衞炳江話，期望浸大同當地政府、大學締結更多聯盟，為師生提供更廣泛嘅交流同協作機會。
更多港聞
中學生探訪長者聽口述歷史 製作模型 微縮深水埗 說社區故事
【明報專訊】高低錯落的戰前唐樓、懸掛半空的各式招牌、密密麻麻的臨街攤檔，構建出深水埗獨特的社區面貌。市建局伙藝術團體，帶領約40名中學生創作... 詳情
相關新聞
