【Emily】HKSOS App獲創新獎 迪拜警方亦睇中
[2025.05.17] 發表
【明報專訊】香港警方近日獲迪拜警方邀請，到當地哈塔(Hatta)嘅偏遠山區做Signal Radar無人機測試，了解喺該地理環境同氣候下，使用香港警方嘅智慧搜救手機程式HKSOS協助搜救嘅信號穩定度。香港警方引述迪拜警方話，對呢項遠距離偵測專利技術有興趣，相信能協助當地日後嘅搜救工作。
世界警察高峰會本周舉行，HKSOS仲揚威海外，奪得「最佳創新理念安全與執法獎」。香港警方話，以HKSOS為骨幹嘅「智慧搜救生態圈」，至今已獲得14項國際獎項，反映喺全球搜救部門中嘅創新理念同實踐成果。
近年涉及行山嘅搜救個案上升，香港警方舊年推出應用程式HKSOS，用戶遇險時可透過程式發出專屬嘅求救信號「一鍵直達」999報案中心，同時會通知用戶嘅緊急聯絡人。翻查資料，應用程式推出嘅第一年協助到130人。
更多港聞
相關新聞
