【Emily】再出發聯盟5周年 鄭雁雄致辭作「打油詩」
[2025.05.21] 發表
【明報專訊】香港再出發大聯盟成立5周年，噚日舉辦「推動教育、科技、人才一體化發展」主題論壇，邀請咗特首李家超、中聯辦主任鄭雁雄出席典禮致辭。
夏寶龍賀信 盼港積極對接國家戰略
大聯盟秘書長譚耀宗喺典禮上讀出港澳辦主任夏寶龍嘅賀信，稱讚大聯盟嘅貢獻，又話希望香港持續深化國際交往合作，積極對接國家戰略。鄭雁雄致辭時就話，要精準把握好「一國兩制」實踐進入新階段，實現港澳更好發展，為強國建設民族復興作出更大貢獻。佢致辭時突然「轉頻道」，用廣東話讀出一段自創嘅打油詩，「世界『立立亂』，中國認真掂；東升好明顯，風水輪流轉；唔使『囉囉攣』，香港最安全」，惹來台下一片笑聲加掌聲。李家超就話，香港會繼續向世界開放，絕唔會因為外部挑釁或霸凌而動搖。
大聯盟總召集人、全國政協副主席梁振英總結大聯盟工作，佢話噚日論壇嘅主題「推動教育、科技、人才一體化發展」會係大聯盟日後工作嘅其中一個重點。
更多港聞
【Emily】今世任務達成 萬寧貓到達「彩虹橋」
【明報專訊】萬寧喺2011年推出一輯電視廣告，以巨型人扮「萬寧貓」同埋佢嘅真身「弟弟」做主角，令弟弟一度成為當年嘅「網紅貓」，直至今年農曆新... 詳情
【Emily】繁榮峰會學者傾AI 吳恩達：現學寫code最佳時間
【明報專訊】人工智能（AI）大行其道，AI專家、史丹福大學電腦系客席教授吳恩達（Andrew Ng）話，過去幾年有人建議大家唔使再學寫cod... 詳情
【明報專訊】立法會噚日審議「生產者責任計劃共同法律框架」嘅條例草案，環境及生態局文件顯示，截至5月14日限期前，共收到7份意見書，當局話欣悉...
詳情
就職禮致辭 稱加強國際化 盧煜明：研增外國學者資助
【明報專訊】香港中文大學校長盧煜明昨日在就職典禮稱，將加強大學國際化，招募世界各地師生，並繼續積極參與國際大學聯盟。他在典禮後被問及重建學生... 詳情
【明報專訊】香港教育工作者聯會昨日發布「香港教師使用AI工具輔助教學的情况」調查報告，在本月上旬以問卷向幼稚園、中小學及特殊學校教師蒐集意見...
詳情
相關新聞
