【Emily】文體旅局AO接任深水埗DO
[2025.06.04] 發表
【明報專訊】曾經喺深水埗街頭搞「激光劍比賽」嘅民政事務專員(DO)黃昕然，早前已經升職，出任民政及青年事務局副秘書長(民政事務)，其職位由隔籬區嘅油尖旺民政專員余健強兼任；轉眼大約一個月，政府宣布由文化體育及旅遊局高級政務主任(旅遊)王浩宇(圖)接任做深水埗民政專員。
王浩宇嘅任期由今個月20日開始，佢2015年加入政府政務職系，曾喺前民政事務局、財經事務及庫務局工作。
2020年開始做民政專員嘅黃昕然，升職後都係負責民政事務，主要處理與宗教團體相關政策、賭博相關政策及發牌、監督學校以外推廣公民教育等。
之前有報道引述政圈人士估計，由於年底舉行立法會選舉，由資深民政專員續任民政專員會好啲，所以寧願兼任，不過據Emily了解，近年政府鬧AO(政務主任)荒，唔少部門有AO調職或離任，往往要等一段時間，所以「兼任」、「署任」嘅過渡安排不時出現。
更多港聞
【明報專訊】立法會秘書處資料研究組嘅「數據透視」噚日發布香港葡萄酒及烈酒貿易數據，兩種酒類喺舊年嘅轉口貨值分別係19.1億元及55.7億元，...
詳情
【明報專訊】端午節過咗，但應節重頭戲「香港國際龍舟邀請賽」就會喺嚟緊嘅禮拜六同禮拜日先上演，賽事會喺尖東海濱舉行，超過190隊嚟自12個國家...
詳情
升小派位今放榜 教界料叩門更難 受歡迎校亦流失學生 同區校難協定不搶收
【明報專訊】今年9月升讀官津小學一年級的「統一派位」（俗稱大抽獎）結果今日揭曉，不少小學在校網表明接受候補位申請（俗稱叩門）。過往個別區域的... 詳情
【明報專訊】教育局《小學教育課程指引》要求小學「應盡量避免緊接在長假期後安排測考」。局方近日更新「擬定校曆表指引」，列出「溫馨提示」，再次呼...
詳情
相關新聞
