【Emily】AI謄錄 立會直播將有實時字幕
[2025.06.07] 發表
【明報專訊】立法會前年同內地科企「科大訊飛」合作，開發「智識聽」AI謄錄系統謄寫會議紀錄。立法會主席梁君彥話，會利用系統為立法會會議直播加設實時字幕，秘書處測試同演練緊，期望短期內推出。
梁君彥同立法會秘書長衛碧瑤噚日同科大訊飛副總裁王瑋會面，討論優化立法會嘅AI項目。梁君彥話，「智識聽」嘅謄錄準確率已由早前嘅93%進一步升到96%，將喺短期內為立法會會議直播提供實時字幕。佢又預告，正同科大訊飛合作開發「立法會智慧辦公系統」，為議員同職員提供語音輸入、錄音轉寫同翻譯服務，系統做緊最後測試，好快可以用得。
「智識聽」今年獲頒「AI+ Power Awards」優異獎，梁君彥話反映立法會喺應用創新科技系統方面獲創科業界肯定，亦會積極善用科技為議會帶嚟更多創新服務。
更多港聞
相關新聞
