【Emily】兒童醫院搞「虛擬遊」 綵排手術紓病童焦慮
[2025.06.11] 發表
【明報專訊】兒童醫院同理大電子計算學系、城大電腦科學系及智樂兒童遊樂協會合作，研究虛擬實境(VR)對減低兒童手術焦慮嘅成效。團隊會搵接受非緊急手術嘅病童，畀佢哋一次手術室「虛擬遊」，病童透過VR眼罩睇到360度嘅手術室情景，配合醫生同醫院遊戲師嘅聲音導航，身歷其境咁綵排一次做手術。
負責研究嘅麻醉及全期手術醫學科顧問醫生郭蕙漩話，手術產生嘅焦慮有可能影響兒童嘅臨牀情况，例如要用更多鎮痛藥物、出現意識紊亂、發噩夢，希望VR令病童預先了解手術室嘅事物同流程，紓緩不安情緒。「虛擬遊」仲有個熊貓角色，陪小朋友做「尋找睡眠波波」任務，可以揀鍾意嘅手術袍顏色、麻醉時聞到嘅香味等。
團隊會喺病童使用VR前後評估佢哋嘅焦慮程度，郭醫生話計劃反應正面，有小朋友覺得好玩，團隊會仔細分析數據，希望令更多病童受惠。
更多港聞
【Emily】服務有段史 明報集團嘉許47老臣子
【明報專訊】明報集團喺香港歷史悠久，旗下刊物除了《明報》，仲有《明報周刊》、《明報月刊》等，同樣出版多年。唔少員工同樣有一定「歷史」，每年集... 詳情
相關新聞
