【Emily】施政建議 G19倡設谷消費工作組

[2025.07.05] 發表

【明報專訊】新一份《施政報告》9月發表，由無政黨立法會議員組成嘅「G19」噚日同特首李家超會面，提出8項共同倡議。G19建議政府成立「刺激本地消費工作組」，考慮提供稅務優惠，並推動商界喺特定日子提供消費優惠，以及支持產業升級調整。

本港市道疲弱，G19建議成立「刺激本地消費工作組」研究點樣促進本地消費，包括推動零售、餐飲、交通、信用卡同電子支付等企業，喺特定日子提供優惠。G19又認為應該支持產業迎合市場最新需求同變化。

就人口政策，G19提出制訂全面而高規格嘅人口發展戰略，訂立本港人口總量目標，紓緩人口老化問題。

改良上市制度助中概股回流

另外，G19期望政府加強協助中小企開拓海外市場，提倡官員聯同中小企同專業服務業代表一齊外訪，協助受關稅戰及地緣政治影響嘅企業資金周轉。金融方面，G19建議改良上市審批制度，鼓勵中概股回流雙重上市，改良「跨境理財通」同擴大「跨境支付通」應用範圍。

更多港聞

【明報專訊】應用科技研究院原行政總裁葉成輝舊年10月任期屆滿唔續任，職位懸空9個月後，新任行政總裁孫耀達周三（2號）履新，應科院喺職場社交平... 詳情