許冠文有興趣扮特朗普演喜劇 期待《破．地獄》原班人馬拍陳茂賢新作
【明報專訊】許冠文、衛詩雅、朱栢康、梁雍婷及導演陳茂賢昨日到銅鑼灣出席何妙祺導演主持的《劇本的年代—文字—想像—影像》講座，跟一班電影人及觀眾重溫配上劇本文字的電影《破．地獄》片段，分享編劇及演出點滴，當中更送上驚喜，播出一段衛詩雅與朱栢康被刪剪的對手戲。多年沒當編劇的許冠文席間稱最近得到美國總統特朗普啟發，有意再寫劇本，如再演喜劇，希望角色有對方的影子。《破．地獄》導演陳茂賢正寫新劇本，許冠文期待原班人馬再合作。
記者：林祖傑
許冠文覺得特朗普好有趣，「演繹佢做喜劇就啱喇，靈感就開始來了，如未來我還演喜劇，希望角色有佢嘅影子，好似好勁，又不知所謂之間，呢個感覺唔係時時有，要尊重這感覺，可能3年之後再問我，我完全無興趣拍特朗普，就係呢個時候睇到世界大勢咁鬼虛偽、咁得人驚，呢隻狐狸真係超晒班」。
「編劇導演工作難過製造原子彈」
許冠文表示希望下次出來不是再談《破．地獄》，而是新作品，透露陳茂賢正在寫新劇本，只聽了幾句已覺得好勁，正等待原班人馬合作，「佢有晒我認為現代應該有嘅導演條件，一定會拍以前完全未拍過嘅，我唔敢騷擾佢，編劇同導演工作看似好易，其實仲難過製造原子彈，百幾部電影只得兩三部賣座，但見有很多年輕人到場，我認為香港電影仍好有前途，只要大家定一定神，未來嘅電影會完全唔同晒」。
「奸奸哋又奸唔晒 唔知係英雄定奸雄」
是否想再親自操刀寫劇本？許冠文稱這是個夢，自嘲寫了20多年都寫不到好劇本，掉了很多，「唔知仲有幾多年命，如果仲有命，我嘅夢就係拍一部受歡迎又賣座嘅電影，觀眾會覺得睇完幾有意思，心情又靚咗，覺得明天會更好。希望能設計一個如特朗普性格嘅角色，最有時代感嘅性格就是佢，奸奸哋得嚟又奸唔晒，好似好偉大又不知所謂之間，一個咁嘅人領導世界先得意，唔知係英雄定係奸雄，成件事本身就好喜劇」。陳茂賢認為《破．地獄》能代表到香港電影，永遠都會長存，但也希望快點有新的作品，自稱拍喜劇出身，新作亦會加入喜劇元素。
衛詩雅失足跌傷 老公月底做手術
衛詩雅表示很期待原班人馬合作；又稱早前拍網上節目，失足跌傷手踭及膝頭，傷口仍發炎，正服用抗生素等待慢慢埋口，「之後才發覺原來個pat pat瘀晒，所以條腰咁痛，好彩骨無事」。許冠文稱衛詩雅最好命，有醫美醫生老公周祉安，任何傷口都不會有痕迹。衛詩雅透露老公將於月底入院，為之前的手術後遺症再做手術，希望一切順利。日前為患肺腺癌四期的柯煒林集氣？她說：「知道後非常傷心，有即刻慰問佢，佢係一個好樂觀同正能量嘅大男孩，希望大家畀多啲空間佢休息。」
梁雍婷朱栢康關心柯煒林
梁雍婷與柯煒林同公司，她避談是否早知對方患癌，稱柯煒林正努力抗癌，自己和同事都以愛支持，「我都有同佢講『我愛你』，我係演員明白有時面對身體狀况，都好希望做喜歡嘅事，佢亦表示好希望繼續去排練，但也要跟從醫生指示，坦白講，呢個未知嘅過程，我哋會同佢一齊用愛去面對」。
曾與柯煒林合作的朱栢康表示已透過短訊慰問，「有同佢講，我嘅大門會長期為佢打開，要傾訴就傾訴，要空間絕對有空間，希望佢保持繼續蹦蹦跳同活潑，同時抽多啲時間休息及休養」。對於有網民指柯煒林公開患病目的是博攞獎？朱栢康冷笑道：「我有聽聞，笑吓咪算囉！一笑置之啦！同業會知什麼事，不足為外人道。」
羅家英第四度患癌 澄清無放棄治療 注射女性荷爾蒙致性慾全失
【明報專訊】羅家英（家英哥）早前透露第四度患癌，稱不會做化療和電療，只打針食藥，有指他「放棄治療」。家英哥近日擔任查小欣YouTube頻道「... 詳情
環球唱片棄將 明年約滿ViuTV 吳啟洋見步行步：P1X3L不會解散
【明報專訊】男團P1X3L成員吳啟洋本月8日29歲生日，昨日與粉絲提早慶祝，唱多首歌及玩遊戲。切蛋糕許願時，他說：「可以找到一間……希望工作... 詳情
《中年3》李金凱提議劉洋挑戰法文歌 黃博預告獻舞 張與辰勤操肌
【明報專訊】《中年好聲音3》冠軍黃博、亞軍張與辰、季軍劉洋及第4名李金凱，本月15至17日於麥花臣場館舉行《中三夏日感謝祭》，昨日於將軍澳舉... 詳情
有望再衝視后 佘詩曼：十畫未有一撇 不捨《新聞女王2》煞科 與同劇演員變喊包
【明報專訊】佘詩曼（阿佘）剛拍完劇集《新聞女王2》感不捨，之前有一場講她離開公司出去創業的戲，跟其他演員排戲時已投入得哭了。她與劇組辛苦數個... 詳情
