【Emily】城寨展迎第100,000名觀眾 四仔現身送禮
[2025.08.19] 發表
【明報專訊】電影《九龍城寨之圍城》紅遍全球，開幕唔夠3個月嘅「九龍城寨光影之旅」電影場景展噚日迎接第10萬名參觀者，喺電影飾演「四仔」嘅張文傑仲現身，聯同康文署助理署長(康樂事務)馮妙玲、文創產業助理專員兼香港電影發展局秘書長麥聖希，為呢名日本粉絲送上紀念品。
為期3年嘅電影場景展今年5月喺九龍寨城公園開幕，重現電影唔同場景，仲融合本土傳統工藝元素同結合大型投影，一直吸引唔少人「朝聖」。公園每日免費提供導賞團，由專人帶領，每團約30分鐘，可以即場報名。
場景展同時係九大旅遊熱點項目之一，以場景展為出發點，透過美食介紹等元素，延伸旅客喺九龍城區內體驗。旅遊事務署會喺今年內將「城市景昔」旅遊項目擴至九龍城區，訪客可通過擴增實境(AR)技術體驗九龍城舊日面貌。
更多港聞
【Emily】遵理老細話科大奪醫學院 政府闢謠
【明報專訊】科大、浸大同理大正爭取籌辦香港第三間醫學院，結果預計今年內公布。籌備之際，網上近日流傳遵理喺「小紅書」發短片，創辦人梁賀琪（Ju... 詳情相關新聞
