【Emily】霓虹燈飾點亮吳松街熟食市場
[2025.08.26] 發表
【明報專訊】廟街及油麻地一帶街市仍然係唔少遊客會逛嘅地方，區內仲有吳松街臨時熟食小販市場，賣本地特色。熟食市場喺2021年已完成翻新，環境及生態局進一步美化市場，噚日喺嗰度舉行燈飾亮燈儀式，喺市場圍牆加上霓虹燈飾設計，加強視覺享受。
市區樓宇嘅大型霓虹燈招牌被拆得七七八八，而Emily噚晚喺熟食小販市場所見，現場安裝咗仿照市區招牌設計嘅「大牌檔」、「紅豆冰」字樣光管招牌，並配有一啲燈飾佈置，遠睇明亮搶眼。
副環境及生態局長黃淑嫻噚日主持亮燈儀式時話，熟食市場喺早午市提供地道茶餐廳風味嘅快餐及奶茶，晚市提供鑊氣十足嘅大牌檔小炒，全日座無虛席生意興旺。佢希望透過各項市場美化工程鞏固廟街飲食文化特色，並為街坊及遊客帶來更舒適嘅飲食空間，為檔戶提供更優質嘅營商環境。
更多港聞
【Emily】迎全運會 西九站辦無人機足球體驗
【明報專訊】距離第15屆全國運動會開幕仲有75日，今屆首次將融合咗無人機技術同足球運動特色嘅「無人機足球」納入群眾賽事活動競技項目，雙方隊伍... 詳情
【Emily】電器贈長者年接逾千申請 住寮屋伯伯熱暈 獲座地扇
【明報專訊】炎炎夏日，唔少香港人都離唔開冷氣房，但對基層長者而言，一部運作正常嘅風扇可能都唔係必然。聖雅各福群會長者家居安全綜合服務轄下「電... 詳情相關新聞
