【Emily】湯文龍毛樂禮齊去印度出席法界會議
[2025.08.29] 發表
【明報專訊】香港兩個律師會不時齊齊去外國出席業界會議，最近就一齊去印度出席亞洲律師協會會長(POLA)峰會，同大約50個來自超過10個亞太區司法管轄區嘅律師公會主席或代表交流。
首場會議以人工智能同法治做主題，律師會會長湯文龍喺會上話，人工智能同社交媒體係勢不可擋，善用科技同時必須以道德判斷，而法律界喺任何時候都需要做堅守道德嘅守護者。
大律師公會主席毛樂禮就講及香港處理司法人員遭「起底」嘅經驗，包括2020年法庭批准律政司長申請禁制令，禁止對司法人員及家屬「起底」，佢話法律界鼓勵公眾討論判決，但喺法治社會，恐嚇同騷擾法官係不能接受。
今次峰會由印度主辦，多個印度司法界巨頭都有出席，包括印度最高法院法官、檢察長、當地律師公會領導層等。湯文龍同毛樂禮仲同各業界到訪印度最高法院，仲拜會咗印度首席大法官。
更多港聞
相關新聞
