【Emily】港島南丫島 智能電表全裝好
[2025.09.20] 發表
【明報專訊】想知用咗幾多電，唔一定要等電費單，港燈2020年起分階段為全香港島同南丫島嘅客戶免費更換同安裝智能電表，方便客戶經手機App隨時查閱每半小時嘅用電量。港燈話，噚日最後一批智能電表喺西灣河興東邨完成安裝，標誌住港燈嘅智能電表通訊基礎設施全面運作，電表數碼化計劃接近全部完成，至今超過58萬戶已安裝。
港燈董事總經理鄭祖瀛噚日朝早去到興東邨興康樓幫手安裝編號「582888」嘅新智能電表。佢話智能電表不但幫客戶有效管理用電，電表亦會將加密數據傳送返公司，幫助提升營運效率同電網管理。
安裝咗智能電表嘅客戶，用手機App就可以查閱用電量，App亦有「用電量提示功能」，當用電量達到上次帳單嘅預設百分比，會發信息畀客戶提醒慳電。
港燈話，未來會探索用AI分析智能電表嘅數據，準確預測電網容量使用情况，提升電網規劃能力。
更多港聞
【Emily】中九繞道兩巴試車 城巴推新機場線 康城出發快40分鐘
【明報專訊】中九龍繞道（油麻地段）預計年底開通，九巴同城巴星期三（17日）已經完成首次道路測試，試行多條經繞道往返九龍東西嘅路線。城巴仲預告... 詳情
相關新聞
