【Emily】葉文娟潘廸生做親家 特首到賀 李：夫婦傾偈 幾時發言女方話事
[2025.10.06] 發表
【明報專訊】政府高層日前有喜事，Emily聞說，特首辦主任葉文娟(Carol)上周五嫁女，其女兒Sammi同廸生創建主席潘廸生個仔Pearson結婚，特首李家超都有出席婚禮酒會，並上台分享夫妻相處之道。李家超講笑咁話，夫妻之間講啲咩話題可以交畀老公Pearson決定，但幾時行使發言權一定係Sammi話事，「包括暫緩、擱置，同終止」。李家超嘅生動發言，引來台上台下歡笑聲。
講番一對新人，Sammi係律師，曾喺國際律師行做，之後轉去爸爸間律師行做；新郎哥、廸生創建首席營運官潘冠達(Pearson)就做過高盛投行部，2016年返迪生創建幫手。兩人都係英國大學畢業。
因為Carol同老公李國忠都係中大校友，李國忠係理學院學生，1986年獲榮譽理學士學位，畢業後繼續攻讀法律，其後成為律師行合伙人，佢係聯合書院校董會副主席，去年獲母校頒授榮譽院士，所以佢嫁女都有唔少中大校友到賀。
更多港聞
【Emily】遊港日客增35% 《城寨》街景現東瀛吸客
【明報專訊】香港吸引唔少日本旅客，旅發局宣布今年1至8月錄得超過47萬人次日本旅客，按年升超過35%；當中8月有超過7.6萬人次，按年升近五... 詳情
【Emily】屯院掛花燈 總監整月餅與病友賀節
【明報專訊】今日中秋節，但未必人人可同家人團聚。唔少病人未能出院，各公立醫院就花心思辦慶祝活動，同病人迎佳節，其中屯門醫院臨牀腫瘤科日間寧養... 詳情
港、日篇幅減 教師憂削歷史科定位 「均衡讀三地現代化 可起他山之石作用」
【明報專訊】高中歷史科和中史科將更新，教育局上周五公布新課程框架，其中歷史科課程目標有改動，新增期望學生「成為具備世界視野的中國人」等元素。... 詳情相關新聞
