【明報專訊】一批高考重考生早前話成績唔錯，但透過非聯招辦法報讀大學落空，歸咎高考遲過文憑試放榜、大學已經收晒學生所致。前政務司長唐英年睇到報紙，上月底去信八大院校要求校方進一步考慮(further consideration to)取錄呢批學生，仲話班學生成績達標，就「一個都不能少」。 聽聞八大收信後好有禮貌咁回信，據港大教務長韋永庚所講，校方早前寫信話畀唐唐知一直都有考慮高考申請人，但非聯招收生程序已經結束咗。韋永庚話畀Emily知，有20幾個高考生申請入港大，成績多數麻麻地，最後港大好似收咗兩三個，唐唐封信冇影響大學收生。 浸大：非聯招競爭較激烈 浸大教務長蘇國生都話唔會因為唐唐封信而收學生。佢同Emily講，有好優秀嘅學生，大學點會唔收？但係非聯招嘅競爭一向都比聯招(按文憑試成績收生)激烈，高考重考生要同副學士畢業生爭學額，邊有咁易。Emily同各大院校都明白唐唐關心學生，但大學有錄取機制同收生自主權，好難因為佢封信而特別關注某啲學生。
|
| |
| |
;){kind=small}
