【明報專訊】監警會主席上月由曾任政協�麉蒏v郭琳廣出掌後，原來兩名副主席，由於任期今年底屆滿，亦要換人。Emily聽聞，有傳政府想委任經民聯立法會議員梁美芬以及議員謝偉俊接任副主席。呢個傳聞，令唔少關注警權團體憂慮，擔心若果屬實，監警會失去泛民聲音，佢�]形容係「人權大災難」咁話。

張達明亦夠鐘起身

監警會副主席過去都係由立法會議員擔任，現任3名副主席林大輝、石禮謙同陳健波，前兩人到年底就做夠6年，而取態較為親民主派�鴭e員方敏生同張達明齊齊「夠鐘」起身。

另外，同樣係委員�麊x民議員梁繼昌同黃碧雲，下年亦夠鐘續約，有傳亦可能會被「叮走」。

Emily聽到，有接近監警會人士同政圈人士話，傳聞中央政策組早前有意安排梁美芬同謝偉俊入監警會做副主席，當時主席翟紹唐就覺得佢�]政治立場「太偏」，出聲反對至暫緩安排。有分析就話，梁美芬係法律學者，填補張達明�麊轡吽A並非沒有可能。

民陣副召集人沈偉男話，非常憂慮監警會委任與「撐警」團體組織人李偲嫣關係甚密�黿蝚�芬同謝偉俊做副主席，話擔心兩人難履行監警工作咁講。

梁美芬：無聽過消息

梁美芬就話，自己無聽過有關消息，被問到有無興趣做監警會副主席，佢話唔答假設性問題。Emily噚日搵唔到謝偉俊回應。