【明報專訊】佔領運動已經50日，之前社會氣氛一直緊張，學聯代表前日更無法上京上訪，而噚日就有人碰到特首梁振英(CY)家庭樂。噚日假期，CY同太太唐青儀、囡囡梁齊昕周圍去，下午兩點幾，有讀者喺白石角海濱長廊見到佢哋一家三口出現，由相片可見，CY放假都著住恤衫西褲，梁太就戴帽，佢同囡囡都怕曬，戴埋太陽眼鏡。 睇嚟佢哋喺白石角唔係留咗好耐，因為佢哋4點幾就去咗數碼港睇戲，又畀市民撞到，讀者報料話佢哋一家三口睇近來好多討論嘅《星際啟示錄》，CY買咗一大袋爆谷入場?。呢套戲內容談及蟲洞、黑洞、唔同次元空間，唔知有無啟發到特首點樣應對佔領問題呢？特首家庭樂好開心，但有網民批評，點解佢唔肯去佔領區見吓市民呢？
|
| |
| |
;){kind=small}
;)
