【明報專訊】首日有83簽名 過50門檻 一班香港大學學生提出港大學生會退出學聯嘅「公投」聯署，噚日首日聯署已經收到83個簽名，即係過咗50個簽名呢個門檻，可以要求評議會傾係咪發起公投。港大學生會退出學聯關注組發起人王俊杰話，評議會嚟緊星期日(25日)會有例會，相信都會傾公投嘅問題。 關注組發起人因為唔滿意學聯喺佔領期間錯失行動升級時機，認為學聯嘅共識制綑綁咗學界意見，所以拎咗呢個議題出嚟公投，只要夠50個簽名，就可以聯絡4名評議員向評議會主席提出討論發起公投，如果夠500個簽名，仲可以強制推出公投?。 王俊杰話，希望呢幾日收簽名收得幾多得幾多，相信可以拎到幾百個聯署，但去唔去到500個就唔肯定。對於首日有83個簽名，佢話本來希望有更多，所以會再落力啲宣傳。
|
| |
| |
;)
