【明報專訊】正喺教育學院讀緊書嘅世界級單車選手黃金寶同李慧詩，曾經為教院影硬照宣傳，原來部分靚相出自教院學生沈樂軒。呢位發燒友為咗等影靚相，可以廁所都唔去，其努力終於有成果，獲聘為今年世界女子冰壺大賽嘅實習攝影師，作品仲有機會喺世界各地巡迴展出?。 fb主動add專業攝影師 沈樂軒?家讀緊科學教育(運動科學)三年級學士課程，佢靠上網自學攝影技巧，同埋喺facebook add專業攝影師做朋友偷師，器材就靠儲零用錢同埋幫人影婚禮、幫教院影相等儲錢買，連同親友送嘅舊相機，佢已經有16部相機。為咗儲錢，阿軒唔亂花費，例如平時會喺宿舍煮通心粉加肉丸同菜醫肚。 阿軒試過孭50磅器材行兩個鐘上山影日出，又會霸頭位等八九個鐘影煙花，廁所都唔敢去，亦試過喺街等落雨再等停雨，只為等到地下有潭水，可以畀佢影建築物倒影。 一年一度世界女子冰壺大賽早前全球招聘大學生做實習攝影師，阿軒報咗名，面試時點評唔同攝影作品，又交咗10幅作品，最終獲選，獲資助機票食宿等，去日本札幌同專業攝影師一齊影賽事，但佢話第時想做消防員，影相都係當興趣好啲。
|
| |
| |
;){kind=small}
;)
