【明報專訊】羊年啱啱開始學術界就有喜訊，中大社會科學院副教授沈旭暉噚日喺facebook宣布喜迎千金Cargonia，仲貼出與囡囡同太太Bonnie嘅合照，榮升媽咪嘅沈太精神奕奕，囡囡面紅紅、眼仔碌碌好得意，張相一出唔夠1個鐘已經有3000人讚好。 自稱非住家男 沈旭暉喺fb話呢張係囡囡唯一公開相片，又話之後囡囡擁有自由，希望佢探索自己嘅世界，「Feel free to explore your own world」。除咗教書，平日寄情旅行同寫專欄嘅佢自稱唔係住家男人，但做咗爸爸後會盡量平衡作息時間。 舊年沈旭暉愛犬Cargo被車撞倒過世，佢同Emily講，老婆有咗嘅時間同Cargo離世好脗合，所以囡囡英文名亦與Cargo有關，但中文名就未改。 佢又話囡囡喺沙田威爾斯親王醫院出世，由中大婦產科學系系主任梁德楊接生，噚日朝早11點22分出世，重約7.5磅，佢就全程喺產房陪住太太。
|
| |
| |
;){kind=small}
;)
