【明報專訊】噚日傳媒報道，擔任《明報周刊》總編輯20年嘅龍景昌前日請辭，另有網媒指佢會過檔去資深電影人岑建勳有份投資嘅一份周報。《am730》噚日刊登咗一封龍景昌畀朋友嘅信，提到佢喺妻子患病去世後一年，決定離開《明周》，仲話﹕「很多人說傳統媒體已死，但我認為，傳統媒體不會死，要死的，是現在操作媒體的方式。」又話經歷過去一年，香港傳媒係時候改變。 Emily噚日搵咗龍景昌，佢確認請辭，不過就好斬釘截鐵話，自己唔係過檔幫岑建勳搞周報，仲話呢個計劃已經係兩年前，?家已經擱置咗。不過佢透露自己會有新計劃，同其他人合伙搞媒體，亦都唔排除會搵岑建勳，但已經唔係兩年前嘅周報計劃，詳情係點就無透露，Emily拭目以待。 Emily亦搵過岑建勳，佢話「我話要搞周報唔係?家嘅新聞，係舊聞嚟㗎啦」，又話自己?家仲諗緊，但未有具體嘢可以公布。至於佢係唔係搵咗龍景昌過檔？岑建勳就話﹕「無無無，無comment(回應)，唔係事實。」Emily問佢講清楚係咪指搵龍過檔唔係事實，佢只係話﹕「人哋啱啱辭職咋大佬！我識咗阿昌40幾年啦！」
|
| |
| |
;)
