【明報專訊】3年前登陸香港島、喺銅鑼灣開咗第一間分店嘅誠品，終於走過海，到尖沙嘴開第二間分店，10月1號開始試行營運，10月9號正式開幕，唔知到時會有幾多真偽文青去打卡呢？ 香港第二間誠品將會坐落尖沙嘴星光行，佔地兩層，除咗會有20.5萬本書，亦有8.4萬款影音、文具、玩具等產品。誠品話，今次將會引進42個原創品牌，其中一半係台灣品牌。 下年初登陸太古城 正當個個話賣書賺唔到錢，誠品反而積極擴張，除咗下個月開幕嘅尖沙嘴店，下年初誠品仲會登陸太古城中心。而且誠品仲北望神州，預計2017年下半年就會喺深圳開間面積超過30萬平方呎嘅「誠品生活」，比起銅鑼灣希慎廣場店嘅3.6萬平方呎分店大差唔多成8倍。
|
| |
| |
;)
