立會新春請官員 今年午宴變酒會
[2016.01.20] 發表
【明報專訊】立法會一年總有幾次舉辦午宴，邀請特首梁振英、司局長、行會成員等同議員坐埋一齊，輕輕鬆鬆食餐飯交流吓，新年搞新春午宴亦係一大傳統，食飯之餘，官員同議員更會分組比賽玩遊戲，通常都有唔少搞笑場面發生。不過，今年新春午宴就無喇，改為以酒會形式舉行，玩遊戲呢個環節似乎亦都消失。唔通行政、立法關係去到新低點，官員、議員都費事同枱食飯？
立法會噚日向各議員發出通告，立法會主席將會作東，喺2月22日下晝5點、即係正月十五舉辦新春酒會，叫議員填番回條，報名係咪出席。
立法會秘書處回覆查詢話，呢個安排係考慮過議員、官員嘅日程，主席決定採納新春酒會呢個安排，特首辦亦表示同意。
更多港聞
【明報專訊】上年區議會選舉，沙田區民主派差少少就可以拎番主導權，最終建制派有20人，泛民有19人，輸個馬鼻，早前選區議會正、副主席時，建制派...
詳情
【明報專訊】浸會大學學生會獲一名關注性別議題的校友捐贈一部避孕套售賣機，正就是否放置於校內作諮詢，學生會指校方以浸大具基督教背景為由表明不贊...
詳情
相關新聞
