中策組大年初一更新特邀顧問名單
[2016.02.12] 發表
【明報專訊】為政府做研究，甚至背後諗政策嘅中央政策組有20幾個「特邀顧問」，任期通常一年，但如果無乜特別事，顧問又點會做一年咁少？Emily噚日睇中策組網站，發現佢哋喺8號、即係大年初一就更新咗顧問名單，政府揀喺公眾假期擺上網，唔知係要低調定係有咩特別原因呢？
現時特邀顧問成員有28人，其實無新委任，同對上一次更新嘅名單比較，就發現新民黨中常委譚榮邦、中國誠信(亞太)信用評級有限公司董事總經理李永權就無被續任喇。至於其他特邀顧問，就包括新思維主席狄志遠，學者李彭廣、葉健民，信和置業執行董事黃永光等。
雖然中策組特邀顧問名單係公開資料，但網站一更新，就搵唔到過去嘅委任名單，Emily噚日嘗試問對方拎2014、2015年嘅名單，但對方以各特邀顧問喺唔同時期獲委任，所以名單不斷更新為由唔肯提供，只肯提供今年1月嘅名單。
更多港聞
【明報專訊】政府喺上月底展開為期3個月嘅「大嶼山發展公眾參與活動」，收集市民對發展大嶼山嘅意見，今個月就分別會喺20號同28號，喺東涌黃楚標...
詳情
相關新聞
