【明報專訊】東江水呢個議題一直都受到政界關注，早排發展事務委員會就提出希望去東江流域考察，了解廣東省保護東江水水質嘅措施，不過𠵱家已經到本屆立法會會期尾聲，議員要考察都有唔少難處，發展局噚日就向委員會發信，講出3個因素，希望議員考慮吓實際情况。 政府話，已初步接觸廣東省，對方表示非常歡迎委員會去考察同交流，樂意商討合適時間同行程，但政府話估計行程需兩日一夜，政府已編排一眾法案、工程建議同申請撥款提交畀立法會審議，好關注係咪可如期處理咁多項目。 關注可否如期處理法案 政府又話，供港東江水水質一直保持良好，水資源及供水水質事務諮詢委員會上年12月中亦有考察東江水供水設施，對水質表示滿意。 政府又話，東江流域嘅汛期就到，其間有可能遇上不穩定天氣或暴雨，廣東省都好緊張，而過去一般考察東江水嘅活動都會安排喺汛期以外，所以希望議員詳細考慮合適嘅時間考察咁話。
|
| |
| |
;)
