陸頌雄：有「黃衛兵」反建館 鄭松泰：「香港故宮」應DQ
[2017.01.07] 發表
【明報專訊】立法會內會噚日舉行特別會議，討論西九文化區興建香港故宮文化博物館，席上建制同泛民議員唇槍舌劍，工聯會陸頌雄發言時表明支持建館，批評有反對嘅人係「黃衛兵」，逢中必反，見到中國文化元素就上綱上線，就好似文革時期嘅紅衛兵，話紅衛兵摧毁中華文化係慘痛經驗，「我哋要記住」。至於點解係「黃」呢，陸頌雄就無講明。
陸頌雄自創一首打油詩，「東宮西宮，不要故宮，方可逼宮，香港冇陰功」。佢讚博物館為西九文化區畫龍點睛，形容係「中央出雞(文物)、馬會出豉油(資金)，香港政府出個碟(地方)」，不涉公帑，睇唔到有好大爭議。
另邊廂，熱血公民鄭松泰發言時問到博物館嘅英文名，政務司長林鄭月娥答「Hong Kong Palace Museum」，鄭松泰隨即話改名係政治問題，形容「民無二皇，君無二主，天無二日」，既然講「香港自治、香港自決」都係港獨，咁「『香港故宮』係值得DQ」，因為個名令世界混淆，「我係一個外國人嘅時候，見到香港故宮博物館會以為香港獨立咗」，所以博物館個名應該再諮詢咁話。
更多港聞
世衛前高層加盟港大 體驗迫港鐵 學識盡避返放工時間
【明報專訊】港大醫學院又添猛將，現年61歲、世衛前助理總幹事福田敬二，上月加盟港大做臨牀教授，專注抗藥細菌同流感研究，至少會留港5年，老婆當... 詳情
【明報專訊】名導演費穆女兒、著名歌唱家費明儀離世，近日有不少人討論姓氏「費」嘅讀音。Emily所知，「費」可讀「沸」或「秘」，好多人話如果以...
詳情
相關新聞
