【明報專訊】有傳「TVB筍盤」43歲的馬國明跟28歲的黃心穎暗撻一年，早前馬國明孖緋聞女友心穎BB在太古城中心睇戲泄蜜。兩人分別再被追問發展？馬國明表示正常社交，會繼續約心穎睇戲、食飯。心穎則回應順其自然，做朋友尚在了解中。 光明正大任偷拍 馬國明昨晚返無綫為劇集《深宮計》開工，問到是否要恭喜他拍拖？他說：「點解要恭喜？睇場戲，正常社交，大家笑吓算啦，多謝關心！其實當時見有人影相，都由他影，光明正大，無做不見得光的事。我媽咪無追問，因我平時都有約其他朋友去街。真的嚇親我，不明點解今次咁緊張？」有指心穎對他有好感，覺得可溝通相處，問他會否趁同劇合作發展感情？馬國明說：「不知她是否這樣說，我和她的對手戲還未拍到，但不排除再約睇戲、食飯！難道第一次約人就回家嗎？當然是約睇戲、食飯啦！ 」 心穎：順其自然 心穎BB稱跟馬國明睇戲是兩、三星期前的事情，他們只是朋友睇場戲，又不是睇愛情片。他們在太古城中心睇戲，近馬國明的寓所，問她有否順道到男方家向伯母拜年？她說沒有到訪馬國明的家，她也不是遷就對方而到太古城睇戲，只是啱時間。問有否感到壓力增加？她表示沒太大壓力，她跟馬國明只是做一些朋友會做的事，很正常，就算被人影也沒所謂，一切順其自然。前日情人節，問他們有否約會睇戲？她笑說：「無呀！要開工！」 記者：鍾一虹
|
| |
| |
;){kind=small}
;)
