【明報專訊】今年係回歸20周年，亦係民建聯踏入25周年，民建聯就舉辦微電影創作比賽，希望將香港民生同社會變遷，以「回歸正能量．銀禧創新天」嘅主題呈現出嚟。呢個比賽獎品都算豐富，最佳短片冠軍有4000元現金獎。 民建聯話，希望可以帶出正能量同鼓勵嘅信息，令市民可以一齊感受香港嘅未來。同時亦可以透過微電影製作，發掘參賽者嘅創作潛能、自我表達能力、團體精神同解難能力等。 比賽題材有兩個，分別係「愛國愛家、關愛共融」，以及「香港展活力，回歸同樂20年」，短片可以係動畫、紀錄片或者故事形式製作。除咗設有冠、亞、季軍，仲設最受歡迎短片獎，就係喺facebook投票。大家可以於即日起至4月5日報名，參加者要喺5月10日前遞交短片。
|
| |
| |
;)
