「曹星如」「李慧詩」坐鎮今年飄色
[2017.04.10] 發表
【明報專訊】一年一度嘅長洲太平清醮5月3日舉行，噚日有179個搶包山參加者喺長洲訓練，當中9男3女最終會殺入決賽，爭奪「包山王」同「包山后」嘅寶座。另外今年約有14台飄色巡遊，其中一架由惠海陸同鄉會製作，暫定以「香港精神」為主題，派出小朋友扮演香港拳王曹星如同「牛下女車神」李慧詩。
構思「小曾俊華」諷計錯數
舊年以手執龍蝦嘅「小梁太」同萬聖節造型嘅「小齊昕」壓陣嘅長洲惠海陸同鄉會，今年打算以候任特首林鄭月娥為題，惠海陸同鄉會飄色總監黃成就話，初步構思以「小林鄭月娥」配上「小曾俊華」，用算盤同錢罌做道具，諷刺財爺多年「計錯數」，到時可能搵一啲小朋友喺飄色車外「派糖」，藉此呼籲政府向市民「派糖」。
黃成就又話，另一架飄色車暫定以「香港精神」為題，平安包郭錦記老闆郭錦全嘅孫女郭晞喬同孫仔郭晞晢，將分別扮演「小李慧詩」同「小曹星如」。兩個小朋友嘅媽咪郭太說，兩姊弟自小睇飄色巡遊，舊年話好想參加，所以今年同佢哋報名。負責企喺上層、4歲嘅晞晢噚日試坐時就話「唔驚」，仲覺得好開心。
至於搶包山比賽，今年有118男、61女參加，年紀最大嘅參加者係69歲嘅梁永秋，佢話自己有4年攀石經驗，第一次參加搶包山比賽，「志在參加」。4屆「包山后」黃嘉欣話今年雖然新增複賽，增添變數，但有信心奪冠。
更多港聞
【明報專訊】𠵱家喺尖沙嘴香港歷史博物館舉行嘅「香港玩具傳奇」展覽，大受市民歡迎，勾起唔少人嘅童年回憶。康文署就話，展覽自3月2日開幕至今已...
詳情
晉德私小9月開辦 學儒家典籍 學費每年11.2萬 分階段建校舍
【明報專訊】孔聖堂與晉德書院教育基金合辦私立晉德學校，將於今年9月開辦小學，參考本港和海外課程等設計校本課程，學生並須學習儒家典籍；每年學費... 詳情
【明報專訊】中文大學亞太研究所訪問34間幼稚園的6900名幼兒家長，發現雖有38%家長不認同「贏在起跑線」、47%不認同幼稚園階段安排默書聽...
詳情
相關新聞
