【明報專訊】民建聯鄭泳舜同工聯會前立法會議員鄧家彪，前者積極考慮出戰九龍西補選，後者早前亦加入民記成為「贊助黨員」，亦積極考慮出選新界東補選，二人噚日就借教育議題行孖咇落區。 佢哋一齊去咗上水為小朋友嘅書包磅重，兼講解學童書包過重問題。民建聯家庭事務委員會早前搵咗969個學童做調查，發現83%小朋友嘅書包都過重，整體書包平均重4.9公斤。 佢哋形容時下學生「擔子沉重」，有小朋友嘅書包成5、6公斤重，裝咗十幾本書，仲有飯盒、水樽同雨傘等。鄭泳舜建議書包重量唔好超過體重十分之一，否則對小朋友嘅背脊構成好大壓力。該委員會建議教育局資助學校購買「共用課本」，放喺校內畀小朋友用，等佢哋唔使拎咁多書返學，又提醒家長要督促子女執拾書包，教育佢哋唔好帶多餘物品返學校。 (民建聯提供)
|
| |
| |
;){kind=small}
;)
